Şəhidin qardaşı qızı: Xocalı soyqırımında əmimin ailəsinin yeddi üzvü öldürülüb

Qalıqları 33 ildən sonra tapılaraq dəfn edilən itkin-şəhidin ailəsinin yeddi üzvü Xocalı soyqırımı zamanı öldürülüb.

Bunu "Report"un Xocalıya ezam olunan əməkdaşına açıqlamasında oktyabrın 31-də dəfn edilən Birinci Qarabağ müharibəsinin itkin-şəhidi Səfər Qəmbərovun qardaşı qızı Nərgiz Qəmbərova deyib.

O, əmisinin qalıqlarının dəfn olunmasının onlar üçün təskinlik olduğunu vurğulayıb:

"Xocalıda məhv edilən ailələrdən biri də əmim Səfər Qəmbərovun ailəsidir. Soyqırımı nəticəsində onun ailəsinin yeddi üzvü öldürülüb. 33 ildir ki, ürəyimizdə daşıdığımız bu ağrı-acını heç kimin yaşamasını istəməzdik. Əmimin nəşinin tapılıb dəfn edilməsi bizim üçün bir təskinlikdir".