Dövlət başçısı: İşğaldan əziyyət çəkmiş Azərbaycan Ermənistana sülhü təklif edən tərəf olub

Azərbaycan Ermənistana sülh təklif etdi, yəni işğaldan və dağıntılardan əziyyət çəkmiş ölkə bunu təklif etdi.

"Report" xəbər verir ki, bunu Prezident İlham Əliyev Bakıda keçirilən İslam İnkişaf Bankı Qrupunun 2026-cı il üzrə İllik Toplantılarının açılış mərasimində deyib.

Dövlət başçısı bildirib ki, indi bu sülh mövcuddur:

"Bir ildir ki, Azərbaycanla Ermənistan sülh şəraitində yaşayır və bunun faydasını görür. Biz Ermənistanın işğalçı qüvvələrinin xalqımıza, şəhərlərimizə qarşı etdiklərini heç vaxt yaddan çıxarmayacağıq, 65 məscidin dağıdılmasını yaddan çıxarmayacağıq. Onlar donuz və digər heyvanları məhz məscidlərdə saxlayırdılar. Biz bunu yaddan çıxarmayacağıq".

İlham Əliyev vurğulayıb ki, bununla belə, Azərbaycan gələcəyə baxdı və döyüş meydanında qisas aldı:

"Bu kifayətdir. Müharibə və müharibələr dayanmalı idi. Azərbaycan öz tərəfindən bu müharibəni dayandırdı və sülhü təklif etdi, bu reallıqdır".