Prezident Administrasiyasının şöbə müdiri yeni gənclər və idman nazirindən danışıb

“Azərbaycanda gənclər və idman siyasəti Prezident İlham Əliyevin rəhbərliyi ilə uğurla davam etdirilir. Hər birimiz bu uğurların şahidiyik”.

“Report”un xəbərinə görə, bunu Prezident Administrasiyasının Gənclər siyasəti və idman məsələləri şöbəsinin müdiri Yusuf Məmmədəliyev bildirib.

Yeni gənclər və idman naziri Fərid Qayıbovun nazirliyin kollektivinə təqdim olunması mərasimində danışan şöbə müdiri deyib: “Fərid Qayıbov idman ictimaiyyətinə tanış şəxsdir. Prezident onu nazir təyin edərkən idman sahəsindəki gələcək perspektivləri müəyyən etdi və tapşırıqlar verdi”.