PA şöbə müdirinin müavini: "Dövlət idarəçilik institutlarının yenidən qurulması zəruridir"

"Qarşıya qoyulan vəzifələrə nail olmaq üçün dövlət idarəçilik institutlarının müasir və yenidən qurulması zəruridir".

“Report” xəbər verir ki, bunu Prezident Administrasiyasının Qeyri-hökumət təşkilatları ilə iş və kommunikasiya şöbəsinin müdir müavini Səadət Yusifova deyib.

O bildirib ki, hazırki parlament seçkiləri daha çevik, peşəkar deputat korpusunun formalaşmasına xidmət edəcək.

PA rəsmisi qeyd edib ki, parlament seçkiləri ilə əlaqədar ödənişli təşviqata 40-a yaxın KİV cəlb edilib.

“Media nümayəndələri seçkiləri obyektiv işıqlandırmalıdır”, - S.Yusifova əlavə edib.