Növbəti köç karvanı Hadrut qəsəbəsinə çatıb

Növbəti köç karvanl Xocavənd rayonunun Hadrut qəsəbəsinə çatıb.

"Report"un Qarabağ bürosu xəbər verir ki, bu mərhələdə Hadrut qəsəbəsinə 13 ailə (51 nəfər) köçürülüb.

Qəsəbədə sakinlərin məskunlaşması üçün lazımi şərait yaradılıb. Yollar abadlaşdırılıb, evlər və kommunikasiya xətləri bərpa edilib.

Qeyd edək ki, bu gün də daxil olmaqla Xocavənd rayonunun Hadrut qəsəbəsinə ümumilikdə 48 ailə (188 nəfər) qayıdışı təmin edilib.