Naxçıvan MR hökumətinin illik hesabatı qəbul edilib

Naxçıvan Muxtar Respublikası (MR) hökumətinin 2025-ci il üzrə illik hesabatı qəbul edilib.

"Report"un yerli bürosu xəbər verir ki, bu barədə qərar muxtar respublika Ali Məclisinin aprelin 10-da keçirilən iclasında qəbul olunub.

Ali Məclisin Naxçıvan MR Baş naziri Cabbar Musayev Nazirlər Kabinetinin 2025-ci ildə fəaliyyəti haqqında hesabatını təqdim edib.

Ali Məclisin komitə sədrləri təmsil etdikləri komitələrin rəylərini diqqətə çatdırıb, hesabat məruzəsi ətrafında müzakirələr aparılıb.

Müzakirələr zamanı deputatlar 2025-ci ildə hökumətin gördüyü işlər barədə hesabatın əhatəli hazırlandığını bildirib, sual, təklif və qeydlərini səsləndiriblər.

İclasda Baş nazir deputatların səsləndirdiyi sual və təkliflərə münasibət bildirib, qaldırılan məsələlərə aydınlıq gətirdikdən sonra müzakirə olunan məsələ ilə əlaqədar Ali Məclisin qərarı səsə qoyularaq qəbul edilib.