Mətin Kərimli: Dünya azərbaycanlıları arasında əlaqələrin möhkəmləndirilməsi vacibdir

Dünya azərbaycanlıları arasında əlaqələrin möhkəmləndirilməsi vacibdir.

"Report" xəbər verir ki, bunu Elm və Təhsil Nazirliyinin Aparat rəhbəri Mətin Kərimli "Qərbi Azərbaycana qayıdış: milli ideyanın yeni mərhələsi kimi" adlı birinci beynəlxalq elmi konfransda deyib.

Onun sözlərinə görə, Azərbaycanın müxtəlif dövlətlərlə əlaqələrinin inkişafı ölkənin gələcək tərəqqisi baxımından mühüm əhəmiyyət kəsb edir:

"Bu əlaqələr siyasi, iqtisadi və humanitar sahələrdə əməkdaşlığın genişlənməsinə xidmət edir. Eyni zamanda, dünya azərbaycanlılarının birliyi və həmrəyliyi Azərbaycan üçün xüsusi önəm daşıyır. Milli birlik xalqımızın gücünü artıran əsas amillərdən biridir".

Mətin Kərimli bildirib ki, Azərbaycan dövlətinin həyata keçirdiyi siyasət dünya azərbaycanlıları arasında əlaqələrin möhkəmləndirilməsinə, milli-mənəvi dəyərlərin qorunmasına və ümumi məqsədlər ətrafında birləşməyə xidmət edir:

"Bu istiqamətdə görülən işlər xalqımızın həmrəyliyinin daha da güclənməsinə mühüm töhfə verir".