İsa Həbibbəyli: Seysmoloji Xidmət Mərkəzinin proqnozları həmişə düz çıxıb

AMEA nəzdində Respublika Seysmoloji Xidmət Mərkəzinin zəlzələ ilə bağlı bu günə qədər verdiyi proqnozlar düz çıxıb.

"Report" xəbər verir ki, bunu AMEA-nın prezidenti akademik İsa Həbibbəyli "Azərbaycanda seysmologiya elminin inkişafı: proqnozlaşdırmadan akademik tədqiqatlaradək" mövzusunda keçirilən konfransda çıxışında deyib.

O, həmçinin bildirib ki, Azərbaycanda zəlzələ xofunun, süni ajiotajın aradan qaldırılması baxımından Qurban Yetirmişlinin də əməyi var: "Mən onun proqnozlarına inanıram".

Akademik vurğulayıb ki, dünyada heç bir seysmoloji xidmət mərkəzi baş verəcək zəlzələ barədə bir dəqiqə əvvəldən xəbər verə bilmir.