Həsənriz sakini: Doğma kəndə qayıdış bizə keçmişdəki çətinlikləri unutdurur

Doğma kəndə qayıdış əhaliyə keçmişdə yaşadığı çətinlikləri unutdurur.

Bunu "Report"un Ağdərəyə ezam olunan əməkdaşına açıqlamasında Həsənriz kənd sakini Telman Əliyev deyib.

O, münaqişənin başladığı ilk dövrlərdən özünümüdafiə dəstəsində döyüşdüyünü vurğulayıb:

"Ermənilərin kəndə hücumlarının birində nənəm Zeynəb Əliyevanı diri-diri yandırdılar. Ona heç cür kömək edə bilmədik. Ondan sonra uzun müddət gah bu, gah da başqa rayonlarda yaşadıq, xeyli əziyyət çəkdik. Ancaq o ağrı-acılı günlər geridə qalıb. Doğma kəndə qayıdışımız bizə keçmişdəki çətinlikləri unutdurur".