Azərbaycandakı siyasi partiya, QHT və KİV-lərin sayı açıqlanıb

"Bu ilin 6 ayı ərzində Azərbaycanda 76 qeyri-kommersiya qurumu dövlət qeydiyyatına alınıb".

"Report" xəbər verir ki, bunu Ədliyyə Nazirliyinin Hüquqi şəxslər və vətəndaşlıq vəziyyəti idarəsinin Qeyri-Hökumət Təşkilatları ilə iş şöbəsinin rəisi vəzifəsini icra edən Aslan Hacıyev bildirib.

Onun sözlərinə görə, hazırda qeydiyyata alınan qeyri-kommersiya qurumlarının sayı 4766-a çatıb: "Bu qurumlardan 56-sı siyasi partiya, 3332-i QHT, 209-u fondlar, qalanları isə digər qurumların payına düşür.

Eyni zamanda bu il 21 mətbu nəşr uçota alınıb. Beləliklə, Azərbaycanda uçota alınmış ümumi mətbu nəşrlərin sayı 5382-ə çatıb".