Növbəti köç Vəngli kəndinə çatıb, açarlar təqdim edilib – YENİLƏNİB-2

Ağdərə rayonunun Vəngli kəndinə qayıdan ailələrə evlərin açarları təqdim olunub.

"Report" Ağdərəyə ezam olunan əməkdaşı xəbər verir ki, bu gün Vəngli kəndinə 16 ailənin (76 nəfər) qayıdışı təmin edilib.

Qeyd edək ki, bu mərhələ də daxil olmaqla, Vəngli kəndinə qayıdan ailələrin ümumi sayı 134-ə (544 nəfər) çatdırılıb.

14:39

Növbəti köç karvanı Ağdərə rayonunun Vəngli kəndinə çatıb.

"Report"un Qarabağ bürosu xəbər verir ki, bu mərhələdə Vəngli kəndinə 16 ailə (76 nəfər) köçürülüb.

12:27

Ağdərə rayonunun Vəngli kəndinə növbəti köç karvanı yola salınıb.

"Report"un Qarabağ bürosu xəbər verir ki, bu mərhələdə Vəngli kəndinə 16 ailə (76 nəfər) köçürülür.

Qeyd edək ki, bununla Vəngli kəndinə qayıdan ailələrin ümumi sayı 134-ə (544 nəfər) çatacaq.