Yusif Abdullayev: "Azərbaycanda investor xidmətləri təkmilləşdirilir"

Azərbaycan "Invest in Azerbaijan" platforması vasitəsilə investor xidmətlərini təkmilləşdirir.

"Report" xəbər verir ki, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Bakıda keçirilən Azərbaycan-Slovakiya biznes forumunda bildirib.

Onun sözlərinə görə, müraciətlərə və investisiya dəstəyi alətlərinə çıxış rəqəmsallaşdıracaq: "Bugünkü forum hər iki tərəfdən təxminən 100 şirkət və qurumu bir araya gətirir. Slovakiya nümayəndə heyətinə qida istehsalı, içkilər, mühəndislik, yol və dəmir yolu texnologiyaları, aerokosmik, müdafiə və təhlükəsizlik, su təsərrüfatı, enerji və turizm sahələrinin nümayəndələri daxildir. Azərbaycan tərəfi də kənd təsərrüfatı, qida istehsalı, fındıq emalı, şərabçılıq, tikinti materialları, turizm, logistika, daşınmaz əmlak və maliyyə sahələrində fəaliyyət göstərən şirkət və qurumlarla təmsil olunur. AZPROMO "bir pəncərə" prinsipi ilə fəaliyyət göstərdiyinə görə, ümid edirik ki, investorlar Azərbaycan bazarını başa düşür, prioritet sektorları, mövcud güzəştləri, uyğun yerləri, sənaye zonalarını və mümkün layihə imkanlarını müəyyən edirlər".