Yanvarda paytaxtda 0,1% inflyasiya qeydə alınıb

Bakı. 6 mart. REPORT.AZ/ Bu ilin yanvar ayında Bakı şəhərində istehlak məhsullarının və xidmətlərin qiymətləri ötən ilin dekabr ayına nisbətən 0,1% artıb.

“Report” bu barədə Dövlət Statistika Komitəsinin Bakı Şəhər Statistika İdarəsinə istinadən xəbər verir. 

Məlumata görə, ilin ilk ayında paytaxtda ərzaq məhsulları, içkilər və tütün məmulatları 0,7%, qeyri-ərzaq məhsulları isə 0,1% bahalaşıb, xidmətlər isə 0,6% uçuzlaşıb.