Sergey Bartoş: “Ekvivalentlik sistemi Azərbaycan-Belarus ticarət dövriyyəsinin artmasına təsir edəcək”

Ekvivalentlik sistemi Azərbaycan və Belarus arasında ticarət dövriyyəsinin və mübadilə əməliyyatlarının artmasına müsbət təsir göstərəcək.

"Report" xəbər verir ki, bunu jurnalistlərə Azərbaycanda səfərdə olan Belarusun kənd təsərrüfatı və ərzaq naziri Sergey Bartoş deyib.

“Bundan əlavə, daha çox birgə müəssisələrin yaradılmasını planlaşdırırıq”, - o bildirib.

Nazir Azərbaycan Qida Təhlükəsizliyi Agentliyinin (AQTA) laboratoriyası ilə tanışlıq təəssüratlarından da danışıb: “Laboratoriya möhtəşəmdir. Əslində onlar elə olmalıdırlar ki, əhalini yaxşı və keyfiyyətli məhsullarla təmin etsinlər. Məsələn, bizdə ikili nəzarət var. Sizdə isə bununla məşğul olan ayrıca struktur var və bu əladır”.