İyunda Minskdə Azərbaycan-Belarus Hökumətlərarası Komissiyasının iclası olacaq

Azərbaycan və Belarus arasında ticarət-iqtisadi əməkdaşlıq üzrə Hökumətlərarası Komissiyanın növbəti iclası gələn ay keçiriləcək.

"Report"un məlumatına görə, bu barədə bu gün Belarusun Azərbaycandakı səfiri Dmitri Pineviç jurnalistlərə açıqlamasında bildirib.

Diplomatın sözlərinə görə, iclas iyunun 2-3-də Minskdə keçiriləcək.

Xatırladaq ki, Hökumətlərarası Komissiyanın 15-ci iclası 2025-ci il oktyabrın 28-də Bakı şəhərində keçirilib. Komissiyanın Azərbaycan tərəfindən həmsədri Baş nazirin müavini Samir Şərifovdur.