İqtisadiyyat naziri Bərdədə vətəndaşları qəbul edəcək

Bakı. 21 sentyabr. REPORT.AZ/ Sabah iqtisadiyyat naziri Şahin Mustafayev Bərdədə, bu rayondan, eləcə də Yevlax, Ağcabədi və Laçın rayonlarından olan vətəndaşları qəbul edəcək.

“Report” İqtisadiyyat Nazirliyinə istinadən xəbər verir ki, qəbul saat 11:00-da Yeni Azərbaycan Partiyasının Bərdə rayon təşkilatının inzibati binasında (Bərdə şəhəri, Heydər Əliyev prospekti, 102 ünvanında) olacaq.

Qəbula gəlmək istəyən vətəndaşlar qeydiyyata alınmaları üçün nazirliyin office@economy.gov.az elektron poçt ünvanı, (012) 493-14-56, 493-88-67 (daxili 21-05), (055) 257-60-90 nömrəli telefonlar (əlaqələndirici şəxs Elmar Hacıyevdir), 195-2 Çağrı Mərkəzi, həmçinin nazirliyin Aran regional bölməsi (əlaqələndirici şəxs Elbrus Hüseynovdur, tel.: (022) 337-82-81, (055) 206-88-52, e-poçt: elbrus.huseynov@economy.gov.az) ilə əlaqə saxlaya bilərlər.

Bununla yanaşı, vətəndaşlar nazirliyin www.economy.gov.az ünvanındakı rəsmi internet səhifəsində və "Facebook" sosial şəbəkəsindəki səhifəsində xüsusi olaraq yaradılmış "İqtisadiyyat nazirinin şəhər və rayonlarda keçirilən qəbulu üçün müraciət" bölmələri vasitəsilə də qəbula yazıla bilərlər.