Dünyanın aparıcı fərdi qulluq məhsulları istehsalçısı Azərbaycanda şirkət yaradıb

İqtisadiyyat Nazirliyi yanında Dövlət Vergi Xidməti "Colgate-Palmolive Temizlik Ürünleri Sanayi ve Ticaret Anonim Şirketi"nin Azərbaycandakı nümayəndəliyini dövlət qeydiyyatına alıb.

“Report” nazirliyə istinadən xəbər verir ki, yeni şirkətin hüquqi ünvanı Bakı şəhəri, Yasamal rayonu, Cəfər Cabbarlı, ev.44, qanuni təmsilçisi isə Muammer Hakan Kuruoğludur (Türkiyə vətəndaşı).

Xatırladaq ki, mərkəzi ABŞ-ın Nyu-York şəhərində yerləşən fərdi qulluq məhsulları istehsalçısı olan “Colgate” şirkəti 1806-cı ildə yaradılıb.

Hazırda “Colgate” ağız baxımı, şəxsi qulluq, ev baxımı və heyvanların qidalanması kim sektorlarda məhsul istehsal edir və şirkətin məhsulları dünyanın 200-dən çox ölkəsində satılır.