“Bazarstore”un nizamnamə kapitalı 3 dəfəyə yaxın artırılıb

“Azərsun Holdinq” MMC-yə məxsus “Bazarstore” MMC-nin nizamnamə kapitalı 24 109 498 ABŞ dolları və yaxud 2,7 dəfə artırılıb.

“Report” xəbər verir ki, şirkətin kapitalı 13 968 451 dollardan 38 077 949 dollara çatdırılıb.

Xatırladaq ki, “Bazarstore” 1999-cu ildə yaradılıb, Azərbaycanın aparıcı pərakəndə ticarət şəbəkələrindən biridir. Şirkət Bakı, Sumqayıt, Gəncə, Mingəçevir, Lənkəran, Şəmkir, Qəbələ, Bərdə, İmişli, Şəki, Zaqatala, Sabirabad, Masallı, Tovuz, Cəlilabad şəhərlərində fəaliyyət göstərir.