Azərbaycanın aparıcı sement istehsalçısının mənfəəti bölüşdürüləcək

Avqustun 5-də, saat 11:00-da “Neqsol Holdinq” MMC-yə məxsus “Norm” ASC-nin səhmdarlarının növbəti ümumi yığıncağı keçiriləcək.

“Report” xəbər verir ki, yığıncaq Bakı şəhəri, Qaradağ rayonu, Ümid qəsəbəsi, Salyan şosesi (Səngərqaya-1 yolu), 7-ci km, 1 ünvanında olacaq.

Yığıncağın gündəliyinə şirkətin 2023-cü il üzrə auditdən keçmiş maliyyə nəticələrinin təsdiq edilməsi və xalis mənfəətinin bölüşdürülməsi, eləcə də cəmiyyətin Korporativ Sosial Məsuliyyət proqramı çərçivəsində həyata keçiriləcək tədbirlərə dair müzakirələr aparılması məsələləri daxildir.

Xatırladaq ki, “Norm” 2006-cı ildə yaradılıb, ölknin aparıcı sement istehsalçılarından biridir. Onun nizamnamə kapitalı 161,962 milyon manatdır.