Azərbaycandan daha bir ölkəyə zeytun yağı ixracına başlanılıb

Ötən il Azərbaycan 660 min ABŞ dolları dəyərində 125,3 ton zeytun yağı ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2021-ci illə müqayisədə dəyər ifadəsində 2,9 dəfə, kəmiyyət olaraq – 2,1 dəfə çoxdur.

Rusiyaya 317 min ABŞ dolları dəyərində (bir il əvvəlki göstəricidən 1 057 dəfə çoxdur) 52 ton (+5 200 dəfə), Gürcüstana 185 min ABŞ dolları dəyərində (-1 %) 38,6 ton (-17 %), Belarusa 66,53 min ABŞ dolları dəyərində 12 ton, İraqa 41,4 min ABŞ dolları dəyərində (+56 %) 11 ton (+36 %), Qazaxıstana 28 min ABŞ dolları dəyərində (+2 dəfə) 7 ton (+83 %) məhsul göndərilib.

Ötən il son 11 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Sinqapura (0,75 min ABŞ dolları dəyərində 0,1 ton) tədarük həyata keçirilib.

Üç il 9 aylıq fasilənin ardından Qətərə (1,5 min ABŞ dolları dəyərində 0,16 ton) və 2 il 1 aydan sonra Belarusa ixrac bərpa edilib.

Hesabat dövründə Azərbaycana 7,1 milyon ABŞ dolları dəyərində (+27 %) 2 min 224 ton (+6,1 %) zeytun yağı gətirilib.

İspaniyadan 3,8 milyon ABŞ dolları dəyərində (+45,5 %) ton 1 min 263 ton (+15,4 %), İtaliyadan 1,5 milyon ABŞ dolları dəyərində (+9,7 %) 395,5 ton (-8 %), Türkiyədən 1,4 milyon ABŞ dolları dəyərində (+22 %) 393,3 ton (+6,5 %), Yunanıstandan 205 min ABŞ dolları dəyərində (-22 %) 156 ton (-13 %), Lüksemburqdan 32 min ABŞ dolları dəyərində (+14,3 %) 2,5 ton (+14 %) yağ alınıb.