Azərbaycanda viski istehsalı 51 % azalıb

Bu ilin yanvar-fevral aylarında Azərbaycanda 69,5 min dekalitr viski istehsal edilib.

"Report" Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 51 % azdır.

Martın 1-nə ölkədə 390,2 min dekalitr hazır məhsul ehtiyatı yaranıb ki, bu da 1 il əvvələ nisbətən 34,2 % çoxdur.

Hesabat dövründə Azərbaycanda 122,7 milyon manatlıq içki məhsulları istehsal edilib ki, bu da illik müqayisədə 1,9 % çoxdur.