Azərbaycanda vergi ödəyiciləri üçün uçot sistemi təkmilləşdiriləcək

İqtisadiyyat Nazirliyi yanında Dövlət Vergi Xidməti vergi nəzarətinin təkmilləşdirilməsi ilə yanaşı sahibkarlar üçün uçot sisteminin sadələşdirilməsi ilə bağlı layihələr üzərində işləyik.

"Report" xəbər verir ki, bunu qurumun rəisi Orxan Nəzərli Bakıda keçirilən, “Konstitusiya və Suverenlik İli”nə həsr edilmiş "Maliyyə nəzarəti - dövlətin və özəl sektorun konstitusion hüquqlarının qorunmasının təminatçısı kimi" mövzusunda konfransda bildirib.

"Bu layihələrin əsas məqsədi xidmət keyfiyyətinin və vergi ödəyicilərinin rahatlığının yüksəldilməsi üçün elektron xidmətlərin genişləndirilməsi, rəqəmsal həllərə söykənən dəyişikliklərlə vergi ödəyicilərinin vaxt itkisinin aradan qaldırılmasıdır", - deyə o qeyd edib.