Azərbaycan Türkiyədən tekstil məhsulları idxalına çəkdiyi xərci 2 % artırıb

Bu il yanvar ayında Azərbaycan Türkiyədən 3,915 milyon ABŞ dolları dəyərində tekstil məhsulları idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrünə nisbətən 2 % çoxdur.

Hesabat dövründə Türkiyənin tekstil məhsulları ixracının ümumi dəyəri illik müqayisədə 5,4 % artaraq 827 milyon ABŞ dollarına çatıb.

Türkiyədən ən çox tekstil məhsulları idxalını İtaliya (70,591 milyon ABŞ dolları; 1 il əvvələ nisbətən 2,3 % çox), Misir (46,554 milyon ABŞ dolları; 73,6 % çox), İspaniya (44,805 milyon ABŞ dolları; 20 % çox) və ABŞ (38,797 milyon ABŞ dolları; 2,1 % çox) həyata keçirib.