Azərbaycan təbii və süni xəz məmulatların idxalını 5 dəfədən çox azaldıb

Bu ilin yanvar-fevral ayları ərzində Azərbaycan 23,97 min ABŞ dolları dəyərində təbii və süni xəz, həmçinin ondan hazırlanan məmulatlar idxal edib.

“Report”un Dövlət Gömrük Komitəsinə statistik rəqəmlərinə istinadən verdiyi məlumata görə, bu, ötən ilin yanvar-fevral ayları ilə müqayisədə 102,47 min ABŞ dolları və ya 5,3 dəfə azdır.

Bu ilin iki ayında isə Azərbaycandan xarici ölkələrə təbii və süni xəz, həmçinin ondan hazırlanan məmulatların ixracı həyata keçirilməyib.

Qeyd edək ki, 2020-ci ilin yanvar vevral ayları ərzində Azərbaycan 126,44 min ABŞ dolları dəyərində təbii və süni xəz, həmçinin ondan hazırlanan məmulatlar idxal edib. Ötən ilin ilk iki ayında isə bu adda məulatların ixracı həyata keçirilməyib.