Azərbaycan şəkər idxalına çəkdiyi xərci 43 %-dək artırıb

Ötən il Azərbaycan 196,783 milyon ABŞ dolları dəyərində şəkər və şəkərdən hazırlanan qənnadı məmulatları idxal edib.

“Report” Dövlət Gömrük Komitəsinə istinadən xəbər verir ki, bu, 2020-ci illə müqayisədə 58,774 milyon ABŞ dolları (42,6 %) çoxdur.

Ötən il ərzində Azərbaycan 33,029 milyon ABŞ dolları dəyərində 59 min 133 ton şəkər və şəkərdən hazırlanan qənnadı məmulatları ixrac edib, bu da 1 il əvvələ nisbətən həcm baxımından 1 510 ton (2,5 %) azalıb, dəyər ifadəsində isə 5,611 milyon ABŞ dolları (20,5 %) çoxdur.

Hesabat dövründə şəkər və şəkərdən hazırlanan qənnadı məmulatları üzrə idxal Azərbaycanın ümumi idxalının 1,68 %-ni, ixrac isə ümumi ixracın 0,15 %-ni təşkil edib.