Azərbaycan ötənilki təsərrüfat ilində Rusiyadan 64 min ton un idxal edib

Azərbaycan 2022-2023-cü təsərrüfat ilində (ötən ilin iyun ayından bu ilin iyul ayına qədər) Rusiyadan 64 min ton un idxal edib.

“Report” bu barədə xarici mətbuata istinadən xəbər verir.

Məlumata görə, bu, 2021-2022-ci təsərrüfat ili ilə müqayisədə 3 dəfə və yaxud 43 min ton çoxdur.

Hesabat dövründə Rusiyadan ümumilikdə 795 min ton un ixrac edilib ki, bu da 1 il əvvələ nisbətən 50 % çoxdur.

Rusiya ununun əsas alıcısı İraq (204 min ton) olub. Onu Əfqanıstan (103 min ton), Çin (82 min ton), Azərbaycan (64 min ton), Türkmənistan (54 min ton) və Ermənistan (43 min ton) izləyib.