Bakı 22° C
Azərbaycan ötən il Şərqi Anadoludan 104 milyon dollarlıq mal alıb
- 10 yanvar, 2024
- 13:06
Yeniliklərdən dərhal xəbərdar olun!
2023-cü ildə Azərbaycan (Naxçıvan Muxtar Respublikası) Şərqi Anadolu İxracatçılar Birliyinə (DAİB) üzv şirkətlərdən 104,366 milyon ABŞ dolları dəyərində mal idxal edib.
“Report” bu barədə DAİB-ə istinadən xəbər verir.
Məlumata görə, bununla da, Azərbaycan bölgənin 4-cü əsas alıcısı olub. Ümumi ixracda Azərbaycanın payı 3,9 % təşkil edib.
Hesabat dövründə DAİB-dən ən çox ixrac İraq (592,558 milyon ABŞ dolları), Malta (192,652 milyon ABŞ dolları) və İran (147,951 milyon ABŞ dolları) istiqamətində həyata keçirilib.
Ötən il DAİB-in ixracının dəyəri əvvəlki illə müqayisədə 8,6 % artaraq 2 660,641 milyon ABŞ dollarına çatıb.
DAİB Ağrı, Ardahan, Batman, Bayburt, Bingöl, Bitlis, Ərzurum, Ərzincan, Elazığ, Iğdır, Hakkari, Muş, Şırnak, Tunceli, Van, Qars və Siirtdən olan şirkətləri öz ətrafında toplayıb.
Müəllif
