Azərbaycan daha bir ölkədən günəbaxan toxumu almağa başlayıb

Bu ilin yanvar ayında Azərbaycan 731,25 min ABŞ dolları dəyərində 391,8 ton günəbaxan toxumu idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrünün göstəricisindən dəyər ifadəsində 2,3 dəfə, kəmiyyət olaraq – 87 % çoxdur.

Hesabat dövründə Azərbaycan Türkiyədən 314,7 min ABŞ dolları dəyərində (bir il əvvəlki göstəricidən 2,6 dəfə çoxdur) 176,5 ton (+2,7 dəfə), Çindən 402,5 min ABŞ dolları dəyərində (+10 dəfə) 211 ton (+10 dəfə), Birləşmiş Ərəb Əmirliklərindən 14 min ABŞ dolları dəyərində 4,25 ton (BƏƏ) və Almaniyadan 0,04 min ABŞ dolları dəyərində 0,01 ton (bir il əvvəl tədarük olmayıb) məhsul alıb.

Bu il son 14 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq BƏƏ-dən tədarük həyata keçirilib.