Azərbaycan bu il Stavropola 2 min ton xurma ixrac edib

Bu il Azərbaycandan Rusiyanın Stavropol vilayətinə 2 335 ton təzə xurma ixrac edilib.

"Report" bu barədə Rusiyanın Baytarlıq və Fitosanitar Nəzarət üzrə Federal Xidmətinə ("Rosselxoznadzor") istinadən xəbər verir.

Məlumata görə, il ərzində "Rosselxoznadzor"un Şimali Qafqaz Regionlararası İdarəsi vilayətə gətirilən ümumilikdə 2 557 ton təzə xurmaya nəzarət edib ki, bunun da, 91,3%-i Azərbaycanın payına düşüb.

Stavropola tədarük edilən təzə xurmanın qalanı isə Gürcüstandan (222 ton) alınıb.

Stavropola xurma tədarükü oktyabrın 19-dan başlanılıb.

İdxal edilən xurmanın satışına icazə verilməzdən əvvəl laboratoriyalarda yoxlanılıb və məhsul satışa buraxılıb.