Şərurda tütün əkini ərazisi genişləndiriləcək

Bu il Şərurda 10 hektar ərazidə tütün əkini aparılacaq.

"Report"un yerli bürosu xəbər verir ki, rayonun Püsyan kəndində 10 hektar ərazidə tütün əkilməsi nəzərdə tutulub. Artıq 6 hektarda işlər yekunlaşıb.

Hazırda Şərur, Babək və Kəngərli rayonlarında növbəti ilin məhsulu üçün tütün yetişdirilir.

Qeyd edək ki, muxtar respublikada kənd təsərrüfatının bütün sahələri kimi tütünçülüyün inkişafı da prioritetdir. Çünki tütün aqrar sahənin ən çox gəlir gətirən və məhsuldar sahələrindəndir.

Ötən il Şərurda 8 hektarda tütün əkini aparılıb, 9,6 ton quru tütün əldə edilib. Məhsuldarlıq hər hektarda 12 sentner təşkil edib.