Qazaxıstandan Azərbaycana buğda unu idxalı bərpa edilib

Ötən ilin yanvar-oktyabr aylarında Azərbaycan 8,119 milyon ABŞ dolları dəyərində 22 min 541 ton buğda unu idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, əvvəlki ilin eyni dövrü ilə müqayisədə dəyər ifadəsində 6,7 dəfə, kəmiyyət olaraq – 7,5 dəfə çoxdur.

Rusiyadan 7 milyon 912 min ABŞ dolları dəyərində (bir il əvvəlki göstəricidən 6,8 dəfə) 22 min 167 ton (+7,5 dəfə), Qazaxıstandan 149,7 min ABŞ dolları dəyərində 340 ton, Türkiyədən 40,47 min ABŞ dolları dəyərində (+3,4 dəfə) 21,15 ton (+32 %), İtaliyadan 5,87 min ABŞ dolları dəyərində (-32 %) 4,37 ton (+5,8 %), Fransadan 4,18 min ABŞ dolları dəyərində (-41 %) 3,21 ton (-49,3 %) məhsul alınıb.

Yeddi ilin tamamında Qazaxıstandan tədarük bərpa edilib.

Hesabat dövründə Azərbaycan 10,91 min ABŞ dolları dəyərində (+64 dəfə) 25,15 ton (+210 dəfə) buğda unu ixrac edib.

Ukraynaya 6,59 min ABŞ dolları dəyərində 15,15 ton və Polşaya 4,31 min ABŞ dolları dəyərində 10 ton un satılıb. Ötən il son 11 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq hər iki ölkəyə tədarük həyata keçirilib.