Nazirlik rəsmisi: "Süni mayalandırma üzrə mütəxəssislər çatışmır"

"Hazırda Azərbaycanda, təxminən, 290 nəfər süni mayalandırma üzrə mütəxəssis var. Bu isə tələbatdan 4-5 dəfə azdır. Bir sözlə, ölkədə süni mayalandırma üzrə mütəxəssislər çatışmır". 

Bunu "Report"a açıqlamasında Kənd Təsərrüfatı Nazirliyinin Heyvandarlığın təşkili və identifikasiyası şöbəsinin müdiri Esmira Lətifova deyib. 

"Bu sahədə mövcud kadrların da bilik və bacarığı yüksək deyil. Həmin mütəxəssislər daima təkmilləşdirilməli, eləcə də daha çevik və daha cavan kadrlar yetişdirilməlidir. Qərara alınıb ki, yalnız ali təhsili olanlardan suni mayalandırma üzrə mütəxəssislər hazırlansın, baytarlara və zootexniklərə təlim keçməklə onlar bu sahə üzrə yetişidirilsin”, - deyə o qeyd edib.