Nazirlik: "Gələcəkcə Dilboz atları da satışa çıxarılacaq"

Azərbaycanda Qarabağ atlarının satışı ilə bağlı hərraclar mütəmadi keçiriləcək və gələcəkdə Dilboz atları da satışa çıxarılacaq.

"Report" xəbər verir ki, bunu Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov bildirib.

Bundan başqa, onun sözlərinə görə, gələcəkdə xaricdən gətirilmiş digər damazlıq heyvanların - inək, qoyun və keçilərin hərrac vasitəsilə satışı planlaşdırılır: "Bu baxımdam Qobustan Heyvandarlıq Mərkəzi əlverişli məkandır. İstənilən təsərrüfatı olan şəxs damazlıq heyvan almağı istəyirsə, bura gələ bilər".