Naxçıvanda kənd təsərrüfatı məhsulları istehsalı 3,1 faiz artıb

Cari ilin yanvar-iyul aylarında Naxçıvan Muxtar Respublikasında 267 milyon 560 min 300 manatlıq kənd təsərrüfatı məhsulları istehsal olunub.

“Report” xəbər verir ki, bu barədə muxtar respublikanın Dövlət Statistika Komitəsi məlumat yayıb.

Qeyd edilir ki, bu da 2020-ci ilin müvafiq dövrü ilə müqayisədə 3,1 faiz çoxdur.

Bu dövr ərzində diri çəkidə ət istehsalı 14 144 ton, süd istehsalı 62 439 ton olub. 2020-ci ilin müvafiq dövrü ilə müqayisədə ət istehsalı 3,4 faiz, süd istehsalı isə 1,8 faiz artıb.