İmişlidə pambıq yığımında yüksək məhsuldarlıq qeydə alınıb

İmişli rayonunda pambıq tarlalarında məhsul yığımı davam edir.

Bu barədə “Report”un Muğan bürosuna İmişli Dövlət Aqrar İnkişaf Mərkəzindən bildirilib.

Məlumata görə, bu il rayonda 7 033,7 hektar sahədə pambıq əkilib. İndiyə qədər sahələrdən 20 749,4 ton məhsul toplanıb. Hər hektara görə, orta məhsuldarlıq 29,5 sentner təşkil edir.

Ötən il sahələrdən 18 680,3 ton məhsul əldə olunub və orta məhsuldarlıq hər hektara 24,6 sentner təşkil edib.

Hazırda məhsulun yığımı davam edir.