Azərbaycan ət idxalını 17 % artırıb

Bu ilin yanvar-may aylarında Azərbaycan 17 min 994 ton ət idxal edib.

“Report” Dövlət Gömrük Komitəsinə istinadən xəbər verir ki, bu həcmdə ətin dəyəri 33 milyon 159 min ABŞ dollar təşkil edib.

Bunlar, ötən ilin eyni dövrü ilə müqayisədə həcm baxımından 2 min 654 ton (17,3 %), dəyər baxımından isə 6 milyon 443 min ABŞ dolları (24,1 %) çoxdur.

Hesabat dövründə ət idxalı Azərbaycanın ümumi idxalının 0,5 %-ni təşkil edib.

Azərbaycanda bu ilin yanvar-aprel aylarında quş əti də daxil olmaqla diri çəkidə 187,3 min ton təşkil edib, bu isə illik müqayisədə 3,1 % çoxdur.