Azərbaycan düyü idxalını 17 % artırıb

Bu ilin yanvar-iyul ayları ərzində Azərbaycana 36 min 817 ton düyü idxal edilib.

“Report” Dövlət Gömrük Komitəsinə istinadən xəbər verir ki, bu həcmdə düyünün dəyəri 31 milyon 202 min ABŞ dolları təşkil edib.

Qeyd edək ki, bu, 2021-ci ilin müvafiq dövrü ilə müqayisədə həcm olaraq 5 min 349 ton (16,9 %) çoxdur, dəyər olaraq isə 8 milyon 057 min ABŞ dolları (34,8 %) çoxdur.

Hesabat dövründə düyü idxalı Azərbaycanın ümumi idxalının 0,20 %-ini təşkil edib.