Azərbaycan Almaniyaya pomidor ixracını bərpa edib

Ötən il Azərbaycan 161,98 milyon ABŞ dolları dəyərində 140 min 588 ton pomidor ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin göstəricisindən dəyər ifadəsində 3 %, kəmiyyət olaraq – 0,6 % azdır.

Hesabat dövründə Azərbaycan Rusiyaya 156,55 milyon ABŞ dolları dəyərində (1 il əvvəlki göstəricidən 3 % azdır) 137 min 431 ton (-0,1 %), Belarusa 3,25 milyon ABŞ dolları dəyərində (-36 %) 1 min 422 ton (-50 %), Polşaya 1,7 milyon ABŞ dolları dəyərində (+3 dəfə) 1 min 152 ton (+3 dəfə), Ukraynaya 299 min ABŞ dolları dəyərində (+31 %) 374 ton (+20 %), Moldovaya 46,14 min ABŞ dolları dəyərində 52,8 ton (bir il əvvəl tədarük olmayıb) məhsul satıb.

Azərbaycan 3 il 11 ayın tamamında Almaniyaya (35,45 min ABŞ dolları dəyərində 18 ton) pomidor tədarükünü bərpa edib.

2022-ci ildə Azərbaycandan 11 ölkəyə ixrac edilmiş 141,42 min ton pomidorun 97,3 %-i Rusiyanın payına düşüb.