“Aqrolizinq”ın rəhbər işçiləri vətəndaşlarla görüşəcəklər

Bakı. 2 noyabr. REPORT.AZ/ Kənd Təsərrüfatı Nazirliyi yanında “Aqrolizinq” ASC-nin bir qrup rəhbər işçisi “Regionlarda maarifləndirmə və sorğu” layihəsi çərçivəsində sabah Yevlaxda sakinlərlə görüşəcəklər.

Bu barədə “Report”a “Aqrolizinq”dən bildirilib.

Məlumata görə, saat 11:00-da Heydər Əliyev mərkəzində keçiriləcək görüşdə Yevlax, Ağdaş, Goranboy, Göyçay və Ucar rayonlarının sakinləri iştirak edəcəklər. 

Görüşün əsas məqsədi qurumun göstərdiyi xidmətlər və lizinq qaydaları barədə vətəndaşların maarifləndirilməsi, həmçinin mövcud problemlərin dinlənilməsi və onların həll edilməsidir. Görüşdə iştirak etmək istəyənlər Yevlax Dövlət Aqrar İnkişaf Mərkəzinə (050-611-44-57) müraciət edə bilərlər.